మీ రాష్ట్రంలోనే అన్ని కుక్కలు ఎందుకున్నాయి: సుప్రీం

దేవుడి సొంత భూమిగా పేరున్న కేరళలో కుక్కల బెడద ఎందుకంత ఎక్కువగా ఉందని సుప్రీంకోర్టు ఆశ్చర్యపోయింది. నిజంగానే ఆ రాష్ట్రంలో సమస్య చాలా తీవ్రంగా ఉందని, వెంటనే వాటిని నియంత్రించకపోతే ప్రజాభద్రతకు చాలా తీవ్రమైన ముప్పు పొంచి ఉంటుందని సుప్రీంకోర్టు నియమించిన కమిటీ నివేదించింది. తాను చాలా రాష్ట్రాలకు వెళ్లానని, ఒడిషాలో గానీ, అసోంలో గానీ అసలు వీధికుక్కల బెడద చాలా తక్కువగా ఉంటుందని.. కేరళలోనే ఇది ఎందుకంత తీవ్రంగా ఉందో మనం తెలుసుకోవాల్సి ఉందని జస్టిస్ దీపక్ మిశ్రా అన్నారు. నిజంగా సమస్య అంత తీవ్రంగానే ఉంటే.. కుక్కల బాధితులకు పరిహారం కూడా చెల్లించాలని జస్టిస్ అమితవ్ రాయ్, జస్టిస్ దీపక్ మిశ్రాలతో కూడిన ధర్మాసనం అభిప్రాయపడింది.