వద్దన్నా.. ఆమెతో పెళ్లి చేశారు

Tej Pratap Yadav Files For Divorce In Patna Court - Sakshi

పట్నా: భార్య నుంచి విడాకులు కోరుతూ కోర్టును ఆశ్రయించిన బిహార్‌ మాజీ మంత్రి తేజ్‌ ప్రతాప్‌ యాదవ్‌ తన వైవాహిక జీవితంపై పెదవి విప్పారు. తన ఇష్టం లేకుండానే ఉన్నత విద్యావంతురాలైన ఐశ్వర్యరాయ్‌ను పెళ్లాడానని, అప్పటి నుంచి జీవితం చాలా కష్టంగా సాగిందని అన్నారు. ‘అప్పుడు పెళ్లి చేసుకోవాలని లేదని అమ్మానాన్నలకు స్పష్టంగా చెప్పినా ఎవరూ వినలేదు. ఐశ్వర్య నాకు తగిన జోడీ కాదు. నావి సాదాసీదా అలవాట్లు. నేను చాలా సాధారణ వ్యక్తిని. కానీ ఐశ్వర్య ఆధునిక భావాలున్న యువతి. ఢిల్లీలో చదువుకుంది. మెట్రో నగరాల జీవితానికి అలవాటుపడింది. పెళ్లి తరువాత ఆమెతో జీవితం చాలా కష్టంగా గడిచింది. ఇంకెంత కాలం ఇలా ఉండాలి?’ అని తేజ్‌ ప్రతాప్‌ మీడియాతో అన్నారు. విడాకుల పిటిషన్‌ను ఉపసంహరించుకునే ఉద్దేశం లేదని తేల్చి చెప్పారు. రెండు నెలల నుంచి భార్యతో మాట్లాడటంలేదని తెలిపారు. ఆర్జేడీ ఎమ్మెల్యే చంద్రికా రాయ్‌ కుమార్తె అయిన ఐశ్వర్యరాయ్‌ను తేజ్‌ ప్రతాప్‌ ఈ ఏడాది మే 12న వివాహమాడారు.

Read latest National News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top