మావోయిస్టుల దాడిలో సీఆర్పీఎఫ్ అధికారి హతం

జార్ఖండ్లోని గిరిధ్ జిల్లాలో మావోయిస్టుల దాడిలో సీఆర్పీఎఫ్ అధికారి ఒకరు మరణించారు. శుక్రవారం తెల్లవారుజామున జార్ఖండ్ రాష్ట్ర పోలీసులు, సీఆర్పీఎఫ్ అధికారులు కలిసి గిరిధ్ జిల్లాలోని లాఖేరి ప్రాంతంలో కూంబింగ్కు వెళ్లినప్పుడు ఈ సంఘటన జరిగింది.  పోలీసులకు, మావోయిస్టులకు మధ్య భారీగా ఎదురుకాల్పులు జరిగాయి.

ఈ కాల్పుల్లో సీఆర్పీఎఫ్కు చెందిన సెకండ్ ఇన్ కమాండ్ హెచ్కె ఝా తీవ్రంగా గాయపడ్డారు. అనంతరం గాయాలతో ఆయన మరణించారు. ఈ దాడిలో మరెవ్వరూ గాయపడలేదని ఓ సీనియర్ అధికారి తెలిపారు. ఈ ఆపరేషన్ సందర్భంగా ఇద్దరు మావోయిస్టులను కొన్ని ఆయుధాలు, మందుగుండు సామగ్రితో పట్టుకున్నారు. ఆ ప్రాంతంలో మరింత ముమ్మరంగా గాలింపు జరుపుతున్నట్లు చెప్పారు.