మణిపూర్ సీఎం ఇంటివద్ద బాంబు పేలుడు

ఇంఫాల్: మణిపూర్‌లోని ఇంఫాల్ వెస్ట్ జిల్లాలో ఉగ్రవాదులు బుధవారం రెండు శక్తిమంతమైన బాంబులు పేల్చడంతో ఇద్దరు పౌరులు మరణించారు. మరో ఐదుగురు గాయపడ్డారు. ఉదయం 6.20 గంటల ప్రాంతంలో ముఖ్యమంత్రి ఓక్రమ్ ఇబోబీ సింగ్ అధికారిక కార్యాలయం-నివాసం వద్ద నిలిచిన ఓ స్కూలు బస్సులో మొదటి ఐఈడీ బాంబును పేల్చారు. ఈ ఘటనలో ఇద్దరు మరణించారు. ఐదుగురు గాయపడ్డారు. ఇక్కడికి ఐదు కిలోమీటర్ల దూరంలోని మోయిదాంగ్‌పోక్ ప్రాంతంలో భద్రతా దళాలు పెట్రోలింగ్ జరుపుతున్న చోట మరో బాంబు పేల్చారు. అదృష్టవశాత్తూ ఎవరికీ ప్రాణ నష్టం జరగలేదు. ఉగ్రవాదుల కోసం పోలీసులు తీవ్రంగా గాలిస్తున్నారు.