ఆరోజు అక్కడ ఎవరున్నారు?

కామ్‌గా సినిమాలు చేసుకుంటూ వెళుతున్న శ్రుతిహాసన్ ఒక్కసారిగా వార్తల్లో వ్యక్తి అయిపోయారు. ఓ అగంతకుడు ఆమె ఇంట్లోకి ప్రవేశించడం... ఆమెపై రకరకాల చర్చలకు కారణమైంది. ఇన్సిడెంట్ జరిగిన 48 గంటల్లో ఆ అగంతకుణ్ణి ముంబై పోలీసులు అరెస్ట్ చేయడం పట్ల శ్రుతి ట్విట్టర్ ద్వారా ముంబై పోలీసులకు కృతజ్ఞతలు కూడా తెలిపారు. అతనికి తగిన శిక్షవేయాల్సిందే అని మీడియా సాక్షిగా శ్రుతి నొక్కివక్కాణించారు కూడా. తన సోదరుని ఉద్యోగం పనిమీదే తాను ఇంట్లోకి ప్రవేశించినట్లుగా చెబుతున్న నిందితుని వివరణ గురించి మీడియా ప్రస్తావిస్తే... పని ఆడగడానికి వచ్చినవాడి ప్రవర్తన ఎలా ఉంటుందో తెలియనంత అమాయకురాలిని కానని కొట్టిపారేశారు శ్రుతి.