వెంకీ.. విజయ్‌.. ఓ మల్టీస్టారర్‌!?

వెంకీ.. విజయ్‌.. ఓ మల్టీస్టారర్‌!?

మల్టీస్టారర్స్‌ చేయడానికి వెంకటేశ్‌ ఎప్పుడూ సిద్ధమే. అయితే... ఆయనకు కథ, అందులో పాత్రలు నచ్చాలి. మహేశ్‌బాబుతో ‘సీతమ్మ వాకిట్లో సిరిమల్లె చెట్టు’, రామ్‌తో ‘మసాలా’, పవన్‌కల్యాణ్‌తో ‘గోపాల గోపాల’ చేశారాయన. ఇప్పుడు వెంకటేశ్‌ ఓ మల్టీస్టారర్‌ అంగీకరించారని ఫిల్మ్‌నగర్‌ టాక్‌. ఇందులో మరో హీరోగా విజయ్‌ దేవరకొండ నటిస్తారట! ఈ సిన్మాకు ‘బొమ్మరిల్లు’ భాస్కర్‌ దర్శకత్వం వహిస్తారట.

వెంకీ, విజయ్‌... ఇద్దరూ ‘బొమ్మరిల్లు’ భాస్కర్‌ చెప్పిన కథకు గ్రీన్‌ సిగ్నల్‌ ఇచ్చేశారని కొందరు చెబుతున్నారు. ఈ ఏడాది ఆఖరున లేదా వచ్చే ఏడాది ప్రారంభంలో మొదలు కానున్న ఈ సినిమాను ‘రాక్‌లైన్‌’ వెంకటేశ్‌ నిర్మించనున్నారని సమాచారం. ఈ సినిమా కోసం ‘అర్జున్‌రెడ్డి’ కంటే ముందే విజయ్‌ దేవరకొండను సంప్రదించగా ‘యస్‌’ చెప్పారట! ప్రస్తుతం దర్శకుడు కథకు తుది మెరుగులు దిద్దుతున్నారట. త్వరలో వివరాలన్నీ వెల్లడిస్తారేమో!!