అఖిల్ సినిమాలో సీనియర్ హీరో..!

Venkatesh Special Cameo in Akhil Hello - Sakshi

తొలి సినిమాతో నిరాశపరిచిన అక్కినేని నట వారసుడు అఖిల్, తన రెండో సినిమా విషయంలో చాలా జాగ్రత్తలు తీసుకుంటున్నాడు. కింగ్ నాగార్జున దగ్గరుండి సినిమాకు సంబంధించిన పనులన్ని చూసుకుంటున్నారు. మనం ఫేం విక్రమ్ కుమార్ దర్శకత్వంలో తెరకెక్కుతున్న ఈ సినిమా డిసెంబర్ లో విడుదల చేయాలని భావిస్తున్నారు. అందుకు తగ్గట్టుగా షూటింగ్ కార్యక్రమాలు పూర్తి చేసే పనిలో ఉన్నారు.

తాజాగా ఈ సినిమాకు సంబంధించిన ఆసక్తికర వార్త ఒకటి టాలీవుడ్ సర్కిల్స్ లో వినిపిస్తోంది. ఈ సినిమాలో సీనియర్ స్టార్ వెంకటేష్ అతిథి పాత్రలో అలరించనున్నారట. ఇటీవల నాగచైతన్య హీరోగా తెరకెక్కిన ప్రేమమ్ సినిమాలో వెంకీ నటించాడు. ఆ సినిమా ఘనవిజయం సాధించటంతో అదే సెంటిమెంట్ ను అఖిల్ హలో కోసం ప్రయత్నిస్తున్నారన్న టాక్ వినిపిస్తోంది. ప్రస్తుతానికి వెంకటేష్ అతిథి పాత్రపై చిత్రయూనిట్ అధికారిక ప్రకటన చేయకపోయినా.. త్వరలోనే క్లారిటీ వచ్చే అవకాశం ఉంది.

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top