పక్కా మాస్ యాక్షన్‌తో శ్రీకాంత్ నాటు కోడి

 లంచగొండి పోలీస్ అధికారిగా శ్రీకాంత్ నటిస్తున్న చిత్రం ‘నాటుకోడి’. ‘దేవరాయ’ చిత్రం తర్వాత నానికృష్ణ దర్శకత్వంలో శ్రీకాంత్ హీరోగా నటిస్తున్న చిత్రమిది. మనోచిత్ర కథానాయిక. నానిగాడి సినిమా పతాకంపై నానికృష్ణ, బందరు బాబి ఈ చిత్రాన్ని నిర్మిస్తున్నారు. ఒక్క పాట మినహా సినిమా పూర్తయింది. దర్శకుడు మాట్లాడుతూ -‘‘ఇది పక్కా మాస్ యాక్షన్ ఎంటర్‌టైనర్. గ్రామీణ నేపథ్యంలో సాగే ఈ సినిమాలో శ్రీకాంత్ విభిన్నంగా కనిపిస్తారు. ఇప్పటివరకూ ఇలాంటి పాత్రను శ్రీకాంత్ చేయలేదు. అందర్నీ అలరించేలా ఆయన పాత్ర ఉంటుంది’’ అని చెప్పారు. నిర్మాతలు మాట్లాడుతూ -‘‘పాలకొల్లు పరిసర ప్రాంతాల్లో 40 రోజులు ఏకధాటి షెడ్యూలు చేశాం.
 
  ఈ నెలాఖరున బ్యాలెన్స్ సాంగ్ చిత్రీకరిస్తాం. అన్ని కార్యక్రమాలు పూర్తి చేసి మార్చిలో చిత్రాన్ని విడుదల చేస్తాం’’ అని తెలిపారు. కోట శ్రీనివాసరావు, రావు రమేష్, సలీం పాండా, కారుమంచి రఘు, జీవా, ప్రభు, కాదంబరి కిరణ్, జయవాణి తదితరులు నటించిన ఈ చిత్రానికి సంగీతం: యాజమాన్య, కెమెరా: సి.మల్లేష్ నాయుడు, ఎడిటింగ్: రమేష్, కళ: జె.కె.