సరికొత్త స్క్రీన్‌ప్లే

విక్రమ్‌ శివ, ప్రగతి హీరోహీరోయిన్లుగా ‘స్క్రిప్ట్‌ డాక్టర్‌గా ప్రసిద్ధిపొందిన కెఎల్‌ ప్రసాద్‌ నటించి దర్శకత్వం వహించిన చిత్రం ‘స్క్రీన్‌ప్లే’. ‘ఆఫ్‌ ఏన్‌ ఇండియన్‌ లవ్‌స్టోరీ’ అన్నది క్యాప్షన్‌. డాక్టర్‌ అరుణకుమారి నిర్మించిన ఈ సినిమా ఈ నెల 6న విడుదల కానుంది. ఈ చిత్రాన్ని పలువురు సినీ విమర్శకులకు, రచయితలకు ప్రత్యేకంగా ప్రదర్శించారు. ఈ కార్యక్రమంలో విక్రమ్‌ శివ, ప్రగతి, సంగీత దర్శకురాలు యంయంశ్రీలేఖ, కెఎల్‌ ప్రసాద్‌ మాట్లాడారు. ‘‘పలు అంతర్జాతీయ చలనచిత్రోత్సవాల్లో మా సినిమాకు మంచి ప్రశంసలు దక్కాయి. నటీనటుల నటన, సినిమా స్క్రీన్‌ప్లే ప్రత్యేక ఆకర్షణగా నిలుస్తుంది’’ అని చిత్రబృందం పేర్కొంది.