కాలా కాస్త ఎక్కువే
క్వాలిటీ అండ్ కంటెంట్ పరంగా సినిమాలో పవర్ ఉంటే నిడివి ఎంత ఉన్నా ప్రేక్షకులు బాగా ఎంజాయ్ చేస్తున్నారు. అందుకు ‘అర్జున్ రెడ్డి, భరత్ అనే నేను, నా పేరు సూర్య నా ఇల్లు ఇండియా, మహానటి’ చిత్రాలే నిదర్శనం. ఈ సినిమాల నిడివి దాదాపు రెండున్నర గంటల పైమాటే. తాజాగా ఈ క్లబ్లోకి ‘కాలా’ కూడా చేరాడు. రజనీకాంత్ హీరోగా ‘కబాలి’ ఫేమ్ పా. రంజిత్ దర్శకత్వంలో హీరో ధనుష్ నిర్మించిన చిత్రం ‘కాలా’. ఈ సినిమా సెన్సార్ కంప్లీటైంది.
‘కాలా’ చిత్రం నిడివి 2గంటల 46 నిమిషాల 59 సెకన్లు. ఈ సినిమా సెకండాఫ్లో రజనీ రౌడీయిజం, డైలాగ్స్ సూపర్బ్గా ఉంటాయట. అందుకే ‘కాలా’ టీమ్ నిడివి తగ్గించేందుకు రాజీ పడలేదని టాక్. నానా పటేకర్ కీలక పాత్ర చేసిన ఈ సినిమాలో అంజలీ పాటిల్, హ్యూమా ఖురేషీ కథానాయికలు. ఈ సినిమా జూన్ 7న విడుదల కానుంది.