సాహో తరువాత బాలీవుడ్ ఎంట్రీ

బాహుబలి సినిమాతో జాతీయ నటుడిగా మారిన యంగ్ రెబల్ స్టార్ ప్రభాస్ త్వరలో సాహో సినిమాతో ప్రేక్షకుల ముందుకు వచ్చేందుకు రెడీ అవుతున్నారు. ప్రస్తుతం ఈ సినిమాకు సంబంధించిన యాక్షన్ సన్నివేశాల కోసం సిద్ధమవుతున్నారు ప్రభాస్. ఈ సినిమా తరువాత తను చేయబోయే సినిమా విశేషాలు తెలిపారు బాహుబలి. చాలా రోజులుగా ప్రభాస్ బాలీవుడ్ ఎంట్రీ పై వార్తల వినిపిస్తున్న నేపథ్యంలో తన నెక్ట్స్ సినిమా బాలీవుడ్ లోనే అంటూ క్లారిటీ ఇచ్చారు.

మూడేళ్ల క్రితమే ఓ బాలీవుడ్ సినిమా అంగీకరించానని ఓ ఇంటర్య్వూలో వెల్లడించారు ప్రభాస్. అది ప్రేమకథ అని తెలిపిన యంగ్ రెబల్ స్టార్ ఆ సినిమా కరణ్ జోహర్ నిర్మాణంలో చేస్తారా..? లేక మరో నిర్మాతతో చేస్తారా అన్ని విషయాన్ని మాత్రం వెల్లడించలేదు. అయితే కరణ్ జోహర్ తనకు మంచి స్నేహితుడన్న ప్రభాస్, తనతో ఏవిషయమైనా మోహమాటం లేకుండా మాట్లాడగలనన్నారు.