దెయ్యం.. అబ్బాయిని ప్రేమిస్తే!

దెయ్యం.. అబ్బాయిని ప్రేమిస్తే!

వరుస సక్సెస్లతో మంచి ఫాంలో ఉన్న యంగ్ హీరో నిఖిల్ ఒక సినిమా సెట్స్ మీద ఉండగానే నెక్ట్స్ సినిమాకు రెడీ అయిపోతున్నాడు. ప్రస్తుతం శంకరాభరణం షూటింగ్లో బిజీగా ఉన్న నిఖిల్ త్వరలోనే ఈ సినిమా షూటింగ్కు గుమ్మడికాయ కొట్టేయనున్నాడు. ఇటీవల పవర్ స్టార్ చేతుల మీదుగా రిలీజ్ అయిన టీజర్కు మంచి రెస్పాన్స్ రావటంతో ఈ సినిమా సక్సెస్ మీద కూడా చాలా కాన్ఫిడెంట్గా ఉన్నాడు.

వరుసగా ప్రయోగాత్మక చిత్రాలే చేస్తున్న నిఖిల్ తన నెక్ట్స్ సినిమా విషయంలో కూడా అదే ఫార్ములాను ఫాలో అవుతున్నాడు. ఓ దెయ్యం ...అబ్బాయిని ప్రేమిస్తే ఎలా ఉంటుంది అన్న కాన్సెప్ట్తో తెరకెక్కబోయే సినిమాలో నటించడానికి రెడీ అవుతున్నాడట.  దసరా సందర్భంగా సినిమా షూటింగ్ను లాంఛనంగా ప్రారంభించనున్నారు.

'అమల' అనే టైటిల్ తో తెరకెక్కించడానికి ప్లాన్ చేస్తున్న ఈ సినిమాను కోలీవుడ్ స్టార్ డైరెక్టర్ మురుగదాస్ శిష్యుడు ఆనంద్ డైరెక్ట్ చేయనున్నాడు. ఇటీవల సందీప్ కిషన్ హీరోగా టైగర్ చిత్రానికి దర్శకత్వం వహించిన ఆనంద్ రెండో ప్రయత్నంగా నిఖిల్ తో అమల సినిమాను రూపొందిస్తున్నాడు.