TV
శుక్రవారం ఉదయం సరికొత్త జీవితానికి శ్రీకారం చుట్టారు నమిత. వేద మంత్రాల సాక్షిగా స్నేహితుడు, ప్రియుడు వీరేంద్ర చౌదరితో ఏడడుగులు వేశారు. తిరుపతి ఇస్కాన్‌ ఆలయంలో ఉదయం 5.30 గంటలకు వివాహం జరిగింది. జన్మతః గుజరాతి అయిన నమిత, తమిళ–మలయాళ చిత్రాల్లో నటుడిగా, నిర్మాతగా కొనసాగుతున్న వీరేంద్రలు తెలుగు సంప్రదాయం ప్రకారం పెళ్లి చేసుకోవడం విశేషం. వీరి పెళ్లికి కుటుంబ సభ్యులు, సన్నిహితులతో పాటు నటి రాధికా శరత్‌కుమార్‌ దంపతులు, పలువురు తెలుగు–తమిళ చలన చిత్ర ప్రముఖులు హాజరయ్యారు. త్వరలో చెన్నైలో రిసెప్షన్‌ ఏర్పాటు చేయాలనుకుంటున్నారని సమాచారమ్‌!!
