నవంబర్ 9న మహేష్ కొత్త సినిమా ప్రారంభం

బ్రహ్మోత్సవం సినిమా తరువాత గ్యాప్ తీసుకున్న సూపర్ స్టార్ మహేష్ బాబు, ప్రస్తుతం మురుగదాస్ దర్శకత్వంలో సినిమా చేస్తున్న సంగతి తెలిసిందే. ఇప్పటికే 60 శాతానికి పైగా షూటింగ్ పూర్తి చేసుకున్న ఈ సినిమాను 2017 వేసవిలో రిలీజ్ చేసేందుకు ప్లాన్ చేస్తున్నారు. ఈ సినిమా సెట్స్ మీద ఉండగానే మరో సినిమాను కూడా ప్రారంభించేస్తున్నాడు మహేష్.

ఇప్పటికే ప్రకటించినట్టుగా కొరటాల శివ దర్శకత్వంలో తన నెక్ట్స్ సినిమా చేస్తున్నాడు. ఈ సినిమాను ఈ నెల 9న లాంఛనంగా ప్రారంభించనున్నారు. తన సినిమాల ఓపెనింగ్ కార్యక్రమాలకు మహేష్ హాజరుకాడు. అదే సెంటిమెంట్ను కంటిన్యూ చేస్తూ కొరటాలతో చేయబోయే సినిమాను కూడా మహేష్ లేకుండానే మొదలు పెడుతున్నారు. డిసెంబర్ చివరకల్లా మహేష్, మురుగదాస్ల సినిమా పూర్తి కానుంది, ఆ తరువాత కొరటాల శివ సినిమా రెగ్యులర్ షూటింగ్ స్టార్ అవుతుంది.