లక్ష్మీమీనన్‌తో లవ్వా?

 నటుడు విశాల్, లక్ష్మీమీనన్‌కు మధ్య లవ్వాట యమజోరుగా సాగుతోందని కోలీవుడ్ వర్గాలు చెవులు కొరుక్కుంటున్నాయి. ఇందుకు పలు కారణాలు చెబుతున్నారు. విశాల్, లక్ష్మీమీనన్ పాండియనాడు చిత్రంలో తొలిసారిగా రొమాన్స్ చేశారు. ఈ చిత్రం మంచి విజయాన్ని సాధించింది. ఆ సెంటిమెంట్‌నో లేక ప్రేమతోనో తదుపరి చిత్రంలోను విశాల్ తనకు జంటగా లక్ష్మీమీనన్‌నే హీరోయిన్‌గా ఎంపిక చేసుకున్నారు. నాన్ శిగప్పు మనిదన్ చిత్రం షూటింగ్‌లో వీరిద్దరి మధ్య సాన్నిహిత్యం బాగా పెరిగిందనే గుసగుసలు ప్రచారం అయ్యాయి. అంతేకాదు ఈ చిత్రంలో వీరిద్దరూ గాఢమైన పెదవి చుంబనాలు చేసుకోవడం విశేషం.