టీనేజ్ కుర్రాడితో రొమాన్స్!

 

 ముస్లిమ్ యువతిగా కంగనా రనౌత్, బ్రాహ్మణ కుర్రాడిగా పారస్ అరోరా నటించారు. నూతన దర్శకుడు విశ్వాస్ పాటిల్ దర్శకత్వం వహిస్తున్నారు. ఇది ప్రేమకథ కాబట్టి హీరో, హీరోయిన్ మధ్య రొమాంటిక్ సీన్స్ చాలానే ఉంటాయట. ఇప్పటివరకు దర్శకుడు చెప్పిన సన్నివేశాలన్నిటినీ చేసిన కంగనా ఇటీవల మాత్రం ఓ సీన్‌కి ‘నా వల్ల కాదు’ అనేశారు. ఎందుకంటే ఆ సీన్ చాలా రొమాంటిక్‌గా ఉంటుంది. పారాస్ వయసు 17. ఈ మైనర్ బాలుడితో ఈ స్థాయిలో విజృంభించడం సరికాదని భావించే సదరు సన్నివేశానికి కంగనా ససేమిరా అన్నారు. 

 

 ఈ చిత్రం షూటింగ్ ప్రారంభించినప్పట్నుంచీ పారాస్ చాలా ముభావంగా, బిడియంగా ఉండటంతో, అతని భయాన్ని, బెరుకుని పోగొట్టడానికి కంగనా చాలా ఫ్రెండ్లీగా మెలిగేవారు. రొమాంటిక్ సీన్స్‌లో కూడా తనే ప్రోత్సహించి చేయించేవారట. కానీ, దానికీ ఓ హద్దు ఉందని భావించారామె. దిసీజ్ టూమచ్ అని, అలాంటి సీన్ చెయ్యనని మొండికేశారట. దాంతో చేసేదేం లేక ఆ సన్నివేశాన్ని మార్చి రాశారని సమాచారం. నవంబర్ 15న ఈ చిత్రాన్ని విడుదల చేయాలనుకుంటున్నారు.