యాక్షన్‌... కట్‌

Kangana Ranaut to direct Aparajita Ayodhya - Sakshi

కథానాయికగా తన ప్రతిభను చాటుకున్న కంగనా రనౌత్‌ ఇప్పుడు దర్శకురాలిగా నిరూపించుకోవాలనుకుంటున్నారు. ‘మణికర్ణిక: ది క్వీన్‌ ఆఫ్‌ ఝాన్సీ’లో టైటిల్‌ రోల్‌ చేసిన ఆమె ఆ చిత్రానికి సంబంధించిన కొన్ని సన్నివేశాలను తెరకెక్కించిన విషయం తెలిసిందే. ఇప్పుడు ‘అపరాజిత అయోధ్య’ సినిమాతో పూర్తి స్థాయి దర్శకురాలిగా యాక్షన్, కట్‌ చెప్పడానికి రెడీ అవుతున్నారు. ఈ చిత్రాన్ని నిర్మించనున్నారు కూడా. ప్రముఖ రచయిత విజయేంద్రప్రసాద్‌ ఈ చిత్రానికి కథ అందిస్తున్నారు. రామమందిరం కేసు నేపథ్యంలో ఈ సినిమా తెరకెక్కనుందని బాలీవుడ్‌ సమాచారం. ఈ విషయంపై కంగనా మాట్లాడుతూ– ‘‘ఈ సినిమాకు ముందు నేను డైరెక్టర్‌గా ఉండాలనుకోలేదు.

కేవలం కాన్సెప్ట్‌ లెవల్‌లో మాత్రమే ఇన్‌వాల్వ్‌ అయ్యాను. నేను నిర్మాతగా వేరొకరి దర్శకత్వంలో ఈ సినిమాను తెరకెక్కించాలనుకున్నాను. కానీ విజయేంద్రప్రసాద్‌గారు అద్భుతమైన కథను సిద్ధం చేస్తున్నారు. ఈ సినిమాకు నాతో అసోసియేట్‌ అయినవారు నేను డైరెక్ట్‌ చేస్తేనే బాగుంటుందని అభిప్రాయపడ్డారు. హిస్టారికల్‌ మూవీ ‘మణికర్ణిక’ చిత్రం డైరెక్షన్‌లో నా వంతు భాగం ఉంది. ‘అపరాజిత అయోధ్య’ను డైరెక్ట్‌ చేయడానికి ఆ అనుభవం ఉపయోగపడుతుంది’’ అని పేర్కొన్నారు. ఇక నటిగా ‘తలైవి’ (తమిళనాడు మాజీ ముఖ్యమంత్రి, నటి జయలలిత జీవితం ఆధారంగా తెరకెక్కుతోన్న చిత్రం), ‘థాకడ్‌’, ‘తేజస్‌’ అనే చిత్రాలు కంగనా చేతిలో ఉన్నాయి.

Read latest Movies News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top