స్పెయిన్‌లో రామయ్య డ్యూయెట్స్

 

 ఈ నెల 26న పాటల చిత్రీకరణకు ఈ చిత్రం యూనిట్ స్పెయిన్ వెళుతోంది. అక్కడ ఎన్టీఆర్-శ్రుతిహాసన్‌తో ఓ పాట, ఎన్టీఆర్-సమంతతో ఓ పాట చిత్రీకరించనున్నారు. ఈ రెండూ మంచి రొమాంటిక్ డ్యూయేట్లే కావడం విశేషం. యువతను ఉర్రూతలూగించేలా ఈ పాటలు ఉంటాయని యూనిట్ వర్గాలు అంటున్నాయి. ఏ విషయంలోనూ కాంప్రమైజ్ అవ్వకుండా లావిష్‌గా నిర్మాత దిల్ రాజు ఈ చిత్రాన్ని నిర్మిస్తున్నారని, గతంలో ఎన్టీఆర్‌తో ఆయన నిర్మించిన ‘బృందావనం’ సినిమాను మించేలా ఈ సినిమా ఉంటుందని యూనిట్ సభ్యులు విశ్వాసం వ్యక్తం చేస్తున్నారు కూడా. 

 

 ఇందులో ఎన్టీఆర్ విద్యార్థి నాయకునిగా కనిపిస్తాడు. ఓ వైపు రొమాంటిగ్గా, మరోవైపు శక్తిమంతంగా ఆయన పాత్ర సాగుతుందని తెలుస్తోంది. ఈ సినిమాలో ఎన్టీఆర్ అభినయిస్తున్న తీరును అభినందిస్తూ... దర్శకుడు హరీష్‌శంకర్ ట్విట్టర్‌లో ఓ మెసేజ్ పోస్ట్ చేశారు. ‘‘నాట్యమైనా, నటనైనా, సంభాషణలు పలికే తీరైనా... ఏదైనా.. ఎన్టీఆర్‌కి కరతలామలకం. 

 

 నిజానికి కెమెరా ముందు అతను పెట్టే ఎఫర్ తక్కువ. కానీ తెరపై మాత్రం అది చాలా ఎక్కువగా కనిపిస్తుంది. దటీజ్ ఎన్టీఆర్’’ అనేది ఆ మెసేజ్ సారాంశం. దీన్ని బట్టి... ఇందులో ఎన్టీఆర్ నటన ఏ స్థాయిలో ఉంటుందో అర్థం చేసుకోవచ్చు. వచ్చే నెల 10కల్లా ఈ చిత్రం షూటింగ్ పూర్తవుతుందని యూనిట్ వర్గాల భోగట్టా.