TV
కూల్‌గా భయపెట్టే...
‘‘నా కెరీర్‌లో ప్రత్యేకమైన సినిమా ‘ఐస్‌క్రీమ్’. కూల్‌గా భయపెట్టే సినిమా ఇది. ఫ్లోకేమ్ టెక్నాలజీతో రూపొందిన ఈ చిత్రం కొత్త ట్రెండ్‌ను క్రియేట్ చేస్తుంది’’ అని రామ్‌గోపాల్‌వర్మ అన్నారు.
‘‘నా కెరీర్‌లో ప్రత్యేకమైన సినిమా ‘ఐస్‌క్రీమ్’. కూల్‌గా భయపెట్టే సినిమా ఇది. ఫ్లోకేమ్ టెక్నాలజీతో రూపొందిన ఈ చిత్రం కొత్త ట్రెండ్‌ను క్రియేట్ చేస్తుంది’’ అని రామ్‌గోపాల్‌వర్మ అన్నారు. నవదీప్, తేజస్వి జంటగా రామ్‌గోపాల్‌వర్మ దర్శకత్వంలో రూపొందిన హారర్ చిత్రం ‘ఐస్‌క్రీమ్’. తుమ్మలపల్లి రామసత్యనారాయణ నిర్మాత. ప్రద్యోతన్ స్వరపరచిన ఈ చిత్రం థీమ్‌సాంగ్‌ని హైదరాబాద్‌లో నవదీప్ చేతుల మీదుగా విడుదల చేశారు. ఈ నెల 11న టేబుల్ ప్రాఫిట్‌తో చిత్రాన్ని విడుదల చేస్తామని నిర్మాత తెలిపారు. రామ్‌గోపాల్‌వర్మ దర్శకత్వంలో నటించడం పట్ల నవదీప్, తేజస్వి ఆనందం వెలిబుచ్చారు. ఇంకా చిత్రం యూనిట్ సభ్యులు మాట్లాడారు.
