రణం, లక్ష్యం, శౌర్యం, లౌక్యం లాంటి మంచి హిట్‌లు ఇచ్చిన హీరో గోపిచంద్‌. కానీ గత కొంత కాలంపాటు విజయాలు లేక వెనుకబడ్డాడు. గతేడాది ఆక్సిజన్‌, గౌతమ్‌నందా వంటి సినిమాలతో ప్రేక్షకుల ముందుకు వచ్చాడు. కానీ అవి ఆశించినంత స్థాయిలో మెప్పించలేకపోయాయి. లౌక్యం తరువాత ఆ స్థాయి హిట్‌ కోసం ప్రయత్నిస్తున్న ఈ హీరో ప్రస్తుతం ‘పంతం’ మూవీతో ప్రేక్షకుల ముందుకు రాబోతున్నారు. 

ప్రస్తుతం షూటింగ్‌ దశలో ఉన్న ఈ సినిమా టీజర్‌ను జూన్‌ 5 ఉదయం 11 గంటలకు విడుదల చేయనున్నట్లు ప్రకటించింది చిత్ర యూనిట్‌. కె. చక్రవర్తి దర్శకత్వంలో శ్రీ సత్యసాయి ఆర్ట్స్‌ బ్యానర్‌పై కె.కె. రాధామోహన్‌ నిర్మిస్తున్న ఈ సినిమాలో మెహరీన్‌ హీరోయిన్‌గా నటిస్తున్నారు. ఈ చిత్రానికి గోపి సుందర్‌ స్వరాలు సమకూరుస్తున్నారు.