'ధృవ' ఫస్ట్ లుక్ విడుదల

'ధృవ' ఫస్ట్ లుక్ విడుదల

మెగా పవర్ స్టార్ రామ్ చరణ్ తాజా చిత్రం 'ధృవ' ఫస్ట్ లుక్ను సోమవారం మధ్యాహ్నం విడుదల చేశారు. ఈ పోస్టర్లో చెర్రీ స్టైలిష్గా కనిపిస్తున్నాడు. చరణ్ గత చిత్రాలు కాస్త నిరాశ పరచడంతో మెగా ఫ్యాన్స్ 'ధృవ' మీద ఆశలు పెట్టుకున్నారు. తమిళ్ ‘తని ఒరువన్’కు రీమేక్గా ఈ చిత్రాన్ని రూపొందిస్తున్న విషయం తెలిసిందే. గీతా ఆర్ట్స్ బ్యానర్పై అల్లు అరవింద్ నిర్మిస్తున్న ఈ భారీ బడ్జెట్ చిత్రానికి సురేందర్ రెడ్డి దర్శకత్వం వహిస్తున్నారు. ప్రస్తుతం ఈ చిత్ర షూటింగ్ హైదరాబాద్ పరిసర ప్రాంతాల్లో జరుగుతోంది.

ఈ చిత్రంలో చరణ్.. పవర్ఫుల్ పోలీస్ ఆఫీసర్గా అలరించనున్నాడు. తమిళ వెర్షన్‌లో విలన్‌గా చేసిన ప్రముఖ తమిళ నటుడు అరవింద స్వామి తెలుగులో కూడా చెర్రీకి విలన్గా నటిస్తున్నాడు. చరణ్ సరసన రకుల్ ప్రీత్సింగ్ హీరోయిన్గా నటిస్తోంది. దసరా కానుకగా ఈ చిత్రాన్ని అక్టోబర్లో విడుదల చేయనున్నారు.