బోయపాటికి ఎదురుచూపులు తప్పవా
‘వినయ విదేయ రామ’ లాంటి డిజాస్టర్ చిత్రంలో బోయపటి శ్రీను గ్రాఫ్ బాగా పడిపోయింది. ఈ మూవీపై వచ్చినన్ని విమర్శలు ఈమధ్యకాలంలో మరే చిత్రానికి రాలేదు. ఈ సినిమాను డైరెక్ట్ చేసిన బోయపాటిని ప్రేక్షకులు ఏకిపారేశారు. అంతటి పరాభవాన్ని ఎదరుర్కొన్న బోయపాటి శ్రీను.. తన తదుపరి ప్రాజెక్ట్ కోసం ఎదురుచూడాల్సిన పరిస్థితి ఏర్పడింది.
బాలయ్య హీరోగా బోయపాటి చిత్రం ఈపాటికే మొదలుకావాల్సి ఉండగా.. ఆ ప్రాజెక్ట్ ఆలస్యం అవుతూ వస్తోంది. మధ్యలో కేఎస్ రవికుమార్ రాగా.. ఆయనతో మూవీ చేసేందుకు బాలకృష్ణ రెడీ అయ్యారు. బోయపాటి చెప్పిన కథలో కొన్ని మార్పులు, చేర్పులు సూచించిన బాలయ్య.. బడ్జెట్ను కూడా వీలైనంతగా తగ్గించమని కోరాడట. అయితే బాలయ్య చెప్పిన వాటికి సరే అని.. బడ్జెట్ను తగ్గించి కథలో మార్పులు చేసినా కూడా బోయపాటికి ఎదురుచూపులు తప్పడం లేదట. మరి బోయపాటి బాలయ్యకోసం ఎదురుచూస్తు ఉంటాడా? లేక వేరే హీరోతో మరో కథను సిద్దం చేసి ప్రేక్షకుల ముందుకు వస్తాడా అన్నది చూడాలి.