TV
నాగచైతన్య, సాయి పల్లవి
శేఖర్‌ కమ్ముల దర్శకత్వంలో నాగచైతన్య, సాయి పల్లవి జంటగా నటిస్తున్న చిత్రం ‘లవ్‌స్టోరీ’. నారాయణ్‌ దాస్, పి. రామ్మోహన్‌ నిర్మిస్తున్నారు. ఇటీవల ఈ సినిమాలోని ‘ఏయ్‌ పిల్లా..’ అనే పాట టీజర్‌ను విడుదల చేశారు. దానికి మంచి స్పందన లభించింది. తాజాగా ‘ఏయ్‌ పిల్లా..’ పూర్తి పాటను, లిరికల్‌ వీడియోను ఈ నెల 11న విడుదల చేయబోతున్నట్టు చిత్రబృందం ప్రకటింది. చిత్రీకరణ తుది దశలో ఉన్న ఈ సినిమాను వేసవిలో విడుదల చేయాలనుకుంటున్నారు. ఈ చిత్రంతో పవన్‌ సీహెచ్‌ సంగీత దర్శకుడిగా పరిచయం కాబోతున్నారు.
