TV
ప్రముఖ యాంకర్‌ కారుకు ప్రమాదం
బుల్లితెర ప్రముఖ యాంకర్‌, నటి అనసూయ ప్రయాణిస్తున్న కారుకు ప్రమాదం జరిగింది.
పెనుకొండ(అనంతపురం జిల్లా): బుల్లితెర ప్రముఖ యాంకర్‌, నటి అనసూయ ప్రయాణిస్తున్న కారుకు ప్రమాదం జరిగింది. అనంతపురం జిల్లా పెనుకొండ మండలం గుట్టూరు సమీపంలో ఆమె ప్రయాణిస్తున్న వాహనాన్ని మరో కారు ఢీకొట్టింది. ఓ కార్యక్రమంలో పాల్గొని బెంగళూరు నుంచి తిరుగు ప్రయాణంలో హైదరాబాద్‌ వస్తుండగా ఈ ఘటన చోటుచేసుకుంది. ఈ ప్రమాదంలో అనసూయకు చిన్నపాటి గాయాలైనట్లు సమాచారం. అనంతరం ఆమె మరో కారులో అనంతపురం చేరుకున్నారు. పూర్తి వివరాలు తెలియాల్సి ఉంది.
