జెర్సీ రీమేక్‌లో ఓకేనా?

Amala Paul in Jersey Remake - Sakshi

సినిమా: నటి అమలాపాల్‌కు మరో కొత్త అవకాశం ఎదురు చూస్తోందన్నది తాజా సమాచారం. ఆడై చిత్రంతో హీరోయిన్‌ ఓరియేంటేడ్‌ చిత్రాల నటిగా మారింది ఈ మలయాళ బ్యూటీ. ఆడై చిత్రంలో నగ్నంగా నటించి విమర్శలు, వివాదాలతో బోలెడు ప్రచారం పొందేసిన ఈ అమ్మడు ఈ చిత్ర విడుదలకు ఆర్థికంగా ఆదుకుని మంచి ఇమేజ్‌ను కొట్టేసింది. ఇక ఆడై చిత్రం విడుదలయ్యి మంచి టాక్‌నే తెచ్చుకుంది. మొత్తం మీద హీరోయిన్‌ ఓరియేంటేడ్‌ చిత్రాల నాయకిగా ముద్ర వేసుకునేసింది. ప్రస్తుతం మరో హీరోయిన్‌ సెంట్రిక్‌ చిత్రం ‘అదో అంద పరవై పోల’ చిత్రంలో నటిస్తోంది. కడవర్‌ అనే మరో మలయాళ చిత్రం చేతిలో ఉంది. కాగా తాజాగా మరో తమిళ చిత్రంలో నటించే అవకాశం వచ్చిందని తెలిసింది.

తెలుగులో మంచి విజయాన్ని సాధించిన చిత్రం జెర్సీ. నిరాశలో ఉన్న నటుడు నానీలో ఉత్సాహాన్ని నింపిన చిత్రం అది. ఇప్పుడా చిత్రం తమిళంలో రీమేక్‌ కానుంది. ఇందులో నానీ నటించిన పాత్రలో నటుడు విష్ణు విశాల్‌ నటించనున్నారు. ఇక హీరోయిన్‌గా సంచలన నటి అమలాపాల్‌ను ఎంపిక చేయడానికి చర్చలు జరుగుతున్నట్లు తాజా సమాచారం. దీనికి నెల్సన్‌ వెంకటేశన్‌ దర్శకత్వం వహించనున్నారు. ఈయన ఇంతకు ముందు ఒరునాళ్‌ కూత్తు, మాన్‌స్టర్‌ వంటి విజయవంతమైన చిత్రాలను తెరకెక్కించారు. తెలుగు చిత్రం జెర్సీలో నటి శ్రద్ధాశ్రీనాథ్‌ పోషించిన పాత్రను తమిళంలో నటి అమలాపాల్‌ చేసే అవకాశం ఉంది. మరో విషయం ఏమిటంటే విష్ణువిశాల్, అమలాపాల్‌లది హిట్‌ ఫెయిర్‌. ఇంతకు ముందు ఈ జంట నటించిన రాక్షసన్‌ చిత్రం మంచి విజయాన్ని అందుకుంది.

Read latest Movies News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top