అల.. కొత్తింట్లో...
అల్లు అర్జున్‌ కొత్త ఇంటి పనులు చివరి దశకు చేరుకున్నాయి. ఇక అడుగుపెట్టడమే ఆలస్యం. ఇంతకీ ఇది సినిమా ఇల్లు అన్నమాట. త్రివిక్రమ్‌ హీరోగా అల్లు అర్జున్‌ హీరోగా ‘అల.. వైకుంఠపురములో...’ అనే సినిమా తెరకెక్కుతోన్న సంగతి తెలిసిందే. ఈ సినిమా కోసమే ఇంటి సెట్‌ వేస్తున్నారు. ఇందులో పూజా హెగ్డే కథానాయికగా నటిస్తున్నారు. చిన్న బ్రేక్‌ తీసుకున్న చిత్రబృందం గురువారం నుంచి మళ్లీ షూటింగ్‌ స్టార్ట్‌ చేయాలనే ప్లాన్‌లో ఉందని సమాచారం.
ఈ షెడ్యూల్‌ షూటింగ్‌ కోసమే భారీ హౌస్‌ సెట్‌ను హైదరాబాద్‌లోని ఓ ప్రముఖ స్టూడియోలో డిజైన్‌ చేయించారని తెలిసింది. సినిమా టైటిల్‌ లోగోలో ఓ పెద్ద భవనం కనిపిస్తున్న విషయం తెలిసిందే. కీలక సన్నివేశాలన్నీ ఈ ఇంటి సెట్‌లో తీస్తారని ఊహించవచ్చు. సినిమాలో టబు, జయరామ్‌ల కొడుకుగా అల్లు అర్జున్‌ పాత్ర ఉంటుందనే ప్రచారం జరుగుతోంది. సుశాంత్, నివేదా పేతురాజ్‌ కీలక పాత్రధారులు. ఎస్‌. రాధాకృష్ణ, అల్లు అరవింద్‌ నిర్మిస్తున్న ఈ సినిమా వచ్చే ఏడాది సంక్రాంతికి విడుదల కానుంది.
*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి