అందుకే హాలీవుడ్‌లో నటించలేదు: అక్షయ్‌

Akshay Kumar Comments On His Entry In Hollywood - Sakshi

మొదట కేవలం యాక్షన్‌ సినిమాల్లో నటించిన బాలీవుడ్‌ స్టార్‌ అక్షయ్‌కుమార్‌.. రానురానూ అన్ని రకాల పాత్రలతో అభిమానులను మెప్పించాడు. అటు దేశభక్తి ఇటు సామాజిక సందేశం ఉన్న చిత్రాలతోపాటు పూర్తి స్థాయి ఎంటర్‌టైన్‌మెంట్‌ చిత్రాలతో ప్రేక్షకులను అలరిస్తున్నారు. అయితే బాలీవుడ్‌లో తనదైన శైలిలో పేక్షకులను మెప్పించిన  అక్షయ్‌ కుమార్‌ ఇప్పటి వరకు హాలీవుడ్‌లో ఎంట్రీ ఇవ్వలేదు. గత మూడు దశాబ్ధాలుగా బాలీవుడ్‌లో నటిస్తున్న అక్షయ్‌ ఒక్క హాలీవుడ్‌ సినిమా కూడా చేయకపోవడంతో అభిమానులకు అంతు చిక్కని సందేహంగా మిగిలిపోయింది. అయితే ఇప్పటికి సమాధానం చెప్పుకొచ్చాడు ఈ ఖిలాడీ స్టార్‌.

ఓ వార్త పత్రికకు ఇచ్చిన ఇంటర్వ్యూలో మాట్లాడుతూ ‘నాకు హాలీవుడ్‌ నుంచి ఆఫర్‌ రాలేదని చెప్పను కానీ, అవన్నీ నా దృష్టిలో గొప్పవి కావు.  ఒకవేళ మంచి సినిమాలలో నటించే అవకాశం వస్తే తప్పకుండా నా ప్రతిభను చూపించడానికి సిద్ధంగా ఉన్నాన’ని అన్నారు. ఇంతకాలంగా బాలీవుడ్‌లో నటిస్తున్నందుకు గర్వంగా ఫీల్‌ అవుతున్నాని తెలిపారు. తన సినిమాలు ప్రపంచవ్యాప్తంగా గుర్తించబడటం ఆనందించదగ్గ విషయమన్నారు. ఇప్పటికే తొమ్మిది వరుస విజయాలు సాధించిన అక్షయ్‌కుమార్‌ ‘మిషన్‌ మంగళ్‌’ సినిమాతో ఆగష్టు 15న ప్రేక్షకుల ముందుకు రానున్నాడు. జగన్‌ శక్తి దర్శకత్వంలో రూపొందుతున్నఈ సినిమాలో విద్యాబాలన్, తాప్సీ, సోనాక్షి సిన్హా, నిత్యామీనన్‌ ముఖ్య పాత్రల్లో కనిపించనున్నారు.

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top