ఒబామాను ఆపేసిన బుడ్డోడు!!

ఒబామాను ఆపేసిన బుడ్డోడు!!

బుడిబుడి అడుగులు వేసే ఓ బుడ్డోడు.. సాక్షాత్తు అమెరికా అధ్యక్షుడు బరాక్ ఒబామాను ఆపేశాడంటే నమ్మగలరా? కానీ ఇది జరిగింది. ఎక్కడో కాదు.. ఏకంగా శ్వేత సౌధంలోనే! ఇరాక్ సమస్య గురించి జాతినుద్దేశించి ప్రసంగించేందుకు బరాక్ ఒబామా సిద్ధం అవుతుండగా.. ఉన్నట్టుండి ఓ బుడ్డోడు అడ్డురావడంతో ఆయన ప్రసంగం కొద్దిసేపు ఆపేయాల్సి వచ్చింది. పటిష్ఠమైన భద్రతావలయాన్ని ఛేదించుకుని మరీ వైట్హౌస్లోని ఉత్తరంవైపున్న లాన్లోకి ఆ బుడ్డోడు వచ్చేశాడు.

వైట్హౌస్ ఫెన్సింగ్ లోపలి నుంచి ఎలాగోలా దూరిపోయి ఆ బుడ్డోడు లోపలకి వచ్చేశాడు. సరిగ్గా కొద్దిసేపట్లో ఒబామా ప్రసంగించాల్సి ఉంది. అయితే, చిన్న పిల్లాడు వచ్చిన విషయం గమనించి, కాసేపు అధ్యక్షుడి ప్రసంగం ఆపించి, బుడ్డోడిని వాళ్ల అమ్మానాన్నల వద్దకు పంపారు. దాంతో అమెరికా అధ్యక్షుడినే నిలువరించి ఆ బుడ్డోడు చరిత్ర సృష్టించినట్లయింది.