TV
జర్మనీలో మళ్లీ కాల్పుల కలకలం!
జర్మనీలో మళ్ళీ కాల్పుల కలకలం రేగింది. బెర్లిన్ ఆస్పత్రి వైద్యుడిపై కాల్పులు జరిపిన దుండగుడు అనంతరం గన్ తో కాల్చుకొని ఆత్మహత్య చేసుకున్నట్లు తెలుస్తోంది.
జర్మనీలో ఉగ్రభూతం కోరలు చాస్తోంది. మ్యూనిక్ షాపింగ్ మాల్ దాడి మరువక ముందే జర్మనీ రాజధాని బెర్లిన్ కు దగ్గరలోని ఓ ఆస్పత్రిలో దుండగులు కాల్పులకు పాల్పడటం కలకలం రేపింది.
బెర్లిన్ యూనివర్సిటీ ఆసుపత్రిలో కాల్పులు జరిగినట్లు పోలీసులు వెల్లడించారు. అయితే ఆస్పత్రిలోకి ప్రవేశించిన ఓ సాయుధుడైన దుండగుడు అక్కడి వైద్యుడిపై కాల్పులు జరిపి, అనంతరం తనను తాను తుపాకితో కాల్చుకొని ఆత్మహత్య చేసుకున్నట్లు ప్రాథమిక సమాచారాన్ని బట్టి తెలుస్తోంది. రంగంలోకి దిగిన స్పెషల్ పోలీసు బలగాలు ఘటనపై దర్యాప్తు చేస్తున్నాయి. పూర్తి వివరాలు తెలియాల్సి ఉంది.
