పెద్ద సూపర్‌ మార్కెట్‌.. ఎక్కడ చూసినా ఎలుకలే

Japans Family Mart convenience chain Apologies for Rats in Store - Sakshi

టోక్యో : జపాన్‌లోని ఓ సూపర్‌ మార్కెట్‌లో ఎలుకలు స్వైర విహారం చేస్తున్న వీడియో తాజాగా సోషల్‌ మీడియాలో తెగ వైరల్‌ అవుతోంది. సూపర్‌ మార్కెట్‌ మూసేశాక ఓ వ్యక్తి బయట నుంచి ఈ వీడియోను తీసి సోషల్‌ మీడియాలో పోస్టు చేశాడు. ‘స్టోర్‌లో పగలు కస్టమర్లు తిరిగినంత స్వేచ్ఛగా.. ఈ టైమ్‌లో ఎలుకలు సంచరిస్తున్నాయి. ఇక్కడే ఇన్ని ఉంటే స్టోర్‌ మొత్తం ఇంకా ఎన్ని ఉన్నాయో’ అంటూ ఓ సందేశాన్ని కూడా జత చేశాడు. ఇప్పటివరకు దాదాపు 5 మిలియన్లకు పైగా నెటిజన్లు ఈ వీడియోను వీక్షించారు.

సరేలే ఇదేదో చిన్న స్టోర్‌ అనుకుంటే పోరపాటే. ఎందుకంటే.. ఈ స్టోర్‌ ఆసియా వ్యాప్తంగా వేల సంఖ్యలో బ్రాంచ్‌లు గల ఫ్యామిలీ మార్ట్‌ సంస్థకు చెందినది. ఈ వీడియో వైరల్‌గా మారడంతో.. నెటిజన్లు పెద్ద ఎత్తున విమర్శలు గుప్పించారు. దీంతో షిబుయా జిల్లాలో గల ఈ దుకాణాన్ని మూసివేసినట్లు ఫ్యామిలీ మార్ట్ ఒక ప్రకటనలో తెలిపింది. అలాగే వినియోగదారులకు క్షమాపణ తెలిపింది. స్టోర్‌లోని ఎలుకలను పూర్తిగా తొలగిస్తామని, వస్తువులను కూడా తీసివేస్తామని ప్రకటించింది.

Read latest International News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top