TV
భవనంపై నుంచి దూకి సాఫ్ట్ వేర్ ఉద్యోగి ఆత్మహత్య!
సింగపూర్ టౌన్ షిప్ లో ఓ సాఫ్ట్ వేర్ ఉద్యోగి ఆత్మహత్యకు పాల్పడ్డాడు. నివాస ప్రాంగణంలోని ఓ భవనం పదో అంతస్తు నుంచి దూకి మృతిచెందాడు.
రంగారెడ్డి: సింగపూర్ టౌన్ షిప్లో ఓ సాఫ్ట్ వేర్ ఉద్యోగి ఆత్మహత్యకు పాల్పడ్డాడు. నివాస ప్రాంగణంలోనే పదో అంతస్తుల భవనం పై నుంచి దూకి ఆత్మహత్య చేసుకున్నాడు. చనిపోయిన ఈ ఉద్యోగి వయసు సుమారు 30 ఏళ్లు ఉంటాయి.
రంగారెడ్డి జిల్లా ఘట్ కేసర్ మండలంలోని సింగపూర్ టౌన్ షిప్ ఉంది. ఇక్కడ ఉన్న జెన్ ప్యాక్ట్ సాఫ్ట్ వేర్ సంస్థలో ఈ ఉద్యోగి పని చేస్తున్నాడు. అయితే, ఆత్మహత్యకు పాల్పడిన ఈ వ్యక్తి ఎవరు? ఎందుకు ఆత్మహత్య చేసుకోవాల్సి వచ్చిందనే వివరాలు మాత్రం ఇంకా తెలియాల్సి ఉంది. కాగా సమాచారం అందుకున్న పోలీసులు ఘటనా స్థలానికి చేరుకుని, ప్రాథమిక విచారణ చేపట్టారు. ఆత్మహత్య చేసుకున్న వ్యక్తి వివరాలపై ఆరా తీస్తున్నారు.
