TV
11న మేయర్, డిప్యూటీ మేయర్ ఎన్నిక
జీహెచ్ఎంసీ ఎన్నికల ఓట్ల లెక్కింపు ఎలాంటి సమస్య లేకుండా, ప్రశాంతంగా జరిగిందని జీహెచ్ఎంసీ కమిషనర్ జనార్దన్ రెడ్డి తెలిపారు.
హైదరాబాద్ : జీహెచ్ఎంసీ ఎన్నికల ఓట్ల లెక్కింపు ఎలాంటి సమస్య లేకుండా, ప్రశాంతంగా జరిగిందని జీహెచ్ఎంసీ కమిషనర్ జనార్దన్ రెడ్డి తెలిపారు. ఆయన శుక్రవారం మీడియా సమావేశంలో మాట్లాడుతూ సాయంత్రం ఆరు గంటల్లోపే 50 డివిజన్లలో ఫలితాలు వెల్లడి చేశామన్నారు. ఓట్ల లెక్కింపులో ఒకటి, రెండుచోట్ల కొద్దిపాటి అంతరాయం కలిగినా వెంటనే ఆ సమస్యను పరిష్కరించామన్నారు.
కేవలం జాంబాగ్లో మాత్రమే రెండుసార్లు కౌంటింగ్ నిర్వహించినట్లు చెప్పారు. మరోవైపు పురానా పూల్లో కౌంటింగ్ కొనసాగుతోందని తెలిపారు. ఈ నెల 11న మేయర్, డిప్యూటీ మేయర్ల ఎన్నిక జరుగుతుందని చెప్పారు. ప్రిసైడింగ్ అధికారిగా హైదరాబాద్ కలెక్టర్ వ్యవహరిస్తారని జీహెచ్ఎంసీ కమిషనర్ తెలిపారు.
