చంద్రబాబు నివాసంలో యజ్ఞం

సాక్షి, హైదరాబాద్: తెలుగుదేశం అధ్యక్షుడు నారా చంద్రబాబు నాయుడు నివాసంలో ప్రత్యేక యజ్ఞం జరుగుతోంది. గత నాలుగు రోజులుగా రహస్యంగా ఈ యజ్ఞం నిర్వహిస్తున్నారు. ఇందులో చంద్రబాబు, ఆయన సతీమణి భువనేశ్వరి మంగళవారం ప్రత్యక్షంగా పాల్గొన్నారు. పార్టీ అధికారంలోకి రావాలని కోరుతూ ఈ యజ్ఞం నిర్వహిస్తున్నట్లు సమాచారం. ప్రచారం ముగించుకుని చంద్రబాబునాయుడు సోమవారం రాత్రి హైదరాబాద్ చేరుకోవడం తెలిసిందే.

 

కాగా 2009లో జరిగిన సాధారణ ఎన్నికల సమయంలోనూ బాబు నివాసంలో ప్రత్యేకంగా యజ్ఞం నిర్వహించారు. అప్పుడు సైతం బాబు యజ్ఞంలో భాగస్వామి అయ్యారు.