ఎమ్మెల్యే ‘కోడ్’ ఉల్లంఘన

పోలింగ్ కేంద్రాల్లో కలియదిరిగినా  ఆక్షేపించని అధికారులు

 హిందూపురం అర్బన్, న్యూస్‌లైన్: మున్సిపల్ ఎన్నికల్లో పోలింగ్ సందర్భంగా ఎమ్మెల్యే అబ్దుల్ ఘనీ అన్ని వార్డుల్లోని పోలింగ్ కేంద్రాల్లో కలియదిరుగుతూ ఓటింగ్ సరళిని పరిశీలించారు. పోలింగ్ కేంద్రాల్లోకి అనుమతి లేకపోయినా, ఎవరితోనూ మాట్లాడరాదన్న నిబంధనలున్నా, అక్కడి అధికారులను పలకరించారు.
 
 
  పోలింగ్ కేంద్రంలోకి ఎవర్నీ అనుమతించేది లేదని పోలీసులు, అధికారులు చెబుతూనే.. ఎమ్మెల్యేతో పాటు కొందరు టీడీపీ నాయకులు కేంద్రం లోపలికి వెళ్తున్నా చూసీచూడనట్లుగా వ్యవహరించారు. మీడియా ప్రతినిధులకు కలెక్టర్ జారీ చేసిన కార్డులు ఉన్నా వారిని సైతం అనుమతించక పోవడం విశేషం.