పాలిటెక్నిక్ విద్యార్థి ఆత్మహత్యాయత్నం

ఏలూరు : పశ్చిమగోదావరి జిల్లా తాడేపల్లిగూడెం మండలం పెదతాడేపల్లిలోని వాసవీ ఇంజినీరింగ్ కళాశాలలో పాలిటెక్నిక్ విద్యార్థి గురువారం రాత్రి ఆత్మహత్యకు యత్నించాడు. కళాశాల భవనంపై నుంచి కిందకి దూకాడు. దీంతో అతడు రక్తపు మడుగులో పడిపోయాడు. సహచర విద్యార్థులు వెంటనే స్పందించి... కళాశాల సిబ్బందికి సమాచారం అందించారు.

సిబ్బంది వెంటనే ఘటన స్థలానికి చేరుకుని... క్షతగాత్రుడిని విజయవాడలోని ప్రైవేట్ ఆసుపత్రికి తరలించారు. అతడి పరిస్థితి విషమంగా ఉన్నట్లు సమాచారం. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. అందులోభాగంగా శుక్రవారం ఉదయం కళాశాలలోని విద్యార్థులను పోలీసులు విచారిస్తున్నారు.