మ్యాథ్స్‌ బీ సెమీ ఫైనల్స్‌కు విశేష స్పందన

కర్నూలు(హాస్పిటల్‌):  సాక్షి ఆధ్వర్యంలో సాక్షి ఎరీనా వన్‌ స్కూల్‌ ఫెస్ట్‌ పేరుతో నిర్వహించిన మ్యాథ్స్‌ బీ సెమీఫైనల్స్‌కు విశేష స్పందన లభించింది. స్థానిక ఎన్‌ఆర్‌ పేటలోని భాష్యం స్కూల్‌లో పోటీలు నిర్వహించారు. ఇటీవల పోటీలకు సంబంధించి మొదటి రౌండ్‌ పూర్తయింది. అందులో అర్హత సాధించిన విద్యార్థులకు నాలుగు కేటగిరీలుగా ఆదివారం రెండో రౌండ్‌ పోటీలు నిర్వహించారు. కేటగిరి 1లో 1, 2వ తరగతులు, కేటగిరి 2లో 3, 4వ తరగతులు, కేటగిరి 3లో 5, 6, 7వ తరగతులు, కేటగిరి 4లో 8, 9, 10వ తరగతుల విద్యార్థులున్నారు. మొత్తం 60 మంది విద్యార్థులు పాల్గొన్నారు.   పరీక్ష మ్యాథ్స్‌లో బాగా సాధన చేసి, మంచి మార్కులు సాధించేందుకు ఉపయోగపడుతుందన్నారు. ఇలాంటి పరీక్షలు మరిన్ని జరపాలని వారు కోరారు.