11న రాష్ట్రస్థాయి అథ్లెటిక్స్‌ పోటీలకు ఎంపికలు

బోట్‌క్లబ్‌(కాకినాడ): జిల్లా అథ్లెటిక్స్‌ అసోసియేషన్‌ ఆధ్వర్యంలో ఈ నెల 11న స్థానిక రంగరాయ మెడికల్‌ కళాశాల క్రీడామైదానంలో బాలబాలికలకు అథ్లెటిక్‌ క్రీడాంశాల్లో రాష్ట్రస్థాయి పోటీలకు ఎంపిక జరుగుతుందని కార్యదర్శి సీహెచ్‌వీవీ రమణ బుధవారం ఒక ప్రకటనలో తెలిపారు. అండర్‌–14, 16, 18, 20 బాలబాలికలు ఈ ఎంపిక పోటీలలో పాల్గొనవచ్చునన్నారు. ఎంపికైన క్రీడాకారులు ఈ నెల 15 నుంచి 17 వరకూ విజయవాడలో జరిగే రాష్ట్రస్థాయి అథ్లెటిక్స్‌ పోటీల్లో పాల్గొంటారన్నారు. ఎంపికకు హాజరయ్యే క్రీడాకారులు అసోసియేషన్‌ నిర్వాహక కార్యదర్శి స్పర్జన్‌రాజును సంప్రదించాలన్నారు.