శాంసంగ్‌.. ‘గెలాక్సీ సీ9 ప్రొ’ @36,900

కొత్త ఫోన్‌తో బాలీవుడ్‌ నటి ప్రాచి దేశాయ్‌

భువనేశ్వర్‌: ప్రముఖ మొబైల్‌ హ్యాండ్‌సెట్స్‌ తయారీ కంపెనీ ‘శాంసంగ్‌ ఇండియా’ తాజాగా కొత్త స్మార్ట్‌ఫోన్‌ ‘గెలాక్సీ సీ9 ప్రొ’ను దేశీ మార్కెట్‌లో ఆవిష్కరించింది. నలుపు, బంగారం రంగుల్లో లభ్యంకానున్న ఈ ఫోన్ల ధర రూ.36,900గా ఉంది. ‘గెలాక్సీ సీ9 ప్రొ’ ఫోన్లను ఈ నెల 27 నుంచి ముందస్తు బుకింగ్‌ చేసుకోవచ్చు. ఇక ఇవి ఫిబ్రవరి నెల నుంచి రిటైల్‌ షాపుల్లో అందుబాటులోకి వస్తాయి. ‘గెలాక్సీ సీ9 ప్రొ’లో 6 అంగుళాల ఫుల్‌ హెచ్‌డీ డిస్‌ప్లే, 6 జీబీ ర్యామ్, 16 ఎంపీ ఫ్రంట్‌/రియర్‌ కెమెరా, 64 జీబీ ఇంటర్నల్‌ మెమరీ, ఆక్టాకోర్‌ ప్రాసెసర్, 4,000 ఎంఏహెచ్‌ బ్యాటరీ, 4జీ, ఫింగర్‌ప్రింట్‌ స్కానర్‌ వంటి పలు ప్రత్యేకతలున్నట్లు కంపెనీ వివరించింది.