TV
విమానాల్లో... మహిళలకు మాత్రమే!!
‘స్త్రీలను గౌరవించడం మన సంప్రదాయం. వారికి కేటాయించిన సీట్లలో వారినే కూర్చోనిద్దాం’.. ఇలాంటి వాక్యాలు బస్సుల్లో చూస్తుంటాం.
వినూత్న సేవలకు ఎయిర్‌ ఇండియా శ్రీకారం
న్యూఢిల్లీ: ‘స్త్రీలను గౌరవించడం మన సంప్రదాయం. వారికి కేటాయించిన సీట్లలో వారినే కూర్చోనిద్దాం’.. ఇలాంటి వాక్యాలు బస్సుల్లో చూస్తుంటాం. ఇపుడీ ట్రెండ్‌ విమానాల్లోనూ ఆరంభమైంది. ఎయిర్‌ ఇండియా తాజాగా తన దేశీ విమానాల్లో ఈ నెల 18 నుంచి మహిళల కోసం ఆరు సీట్లను ప్రత్యేకంగా రిజర్వు చేస్తున్నట్లు ప్రకటించింది.
‘మహిళలు విమానాల్లో ఒంటరిగా ప్రయాణించేటపుడు వారికి కిటికీ పక్కనో, మధ్యలోనో సీటు దొరకవచ్చు. అలాంటప్పుడు వారు వాష్‌రూమ్‌కు వెళ్లాలంటే కొంత అసౌకర్యంగా అనిపిస్తుంది. దీన్ని దృష్టిలో ఉంచుకొనే స్త్రీలకు ప్రత్యేకంగా కొన్ని సీట్లను రిజర్వు చేస్తున్నాం’ అని ఎయిర్‌ ఇండియా అధికారి చెప్పారు. కుటుంబంతో కలిసి ప్రయాణించే మహిళలకు ఈ సౌకర్యం వర్తించదు. ఏవియేషన్‌ పరిశ్రమలో ఇలాంటి సేవలు ఇదే ప్రథమం.
