TV
రూ. 899కి విమాన టికెట్‌
చౌక చార్జీల విమానయాన సంస్థ ఇండిగో తాజాగా వర్షాకాల స్పెషల్‌ కింద ప్రత్యేక ఆఫర్లు ప్రకటించింది.
ఇండిగో వర్షాకాల ఆఫర్‌
చెన్నై: చౌక చార్జీల విమానయాన సంస్థ ఇండిగో తాజాగా వర్షాకాల స్పెషల్‌ కింద ప్రత్యేక ఆఫర్లు ప్రకటించింది. ఎంపిక చేసిన రూట్లలో ప్రయాణానికి టికెట్‌ చార్జీలు రూ. 899 నుంచి ఉంటాయని తెలిపింది. హైదరాబాద్‌–ముంబై, కోల్‌కతా–అగర్తలా తదితర 39 రూట్లలో ఈ చార్జీలకు టికెట్లు పొందవచ్చని పేర్కొంది.
జూన్‌ 12న మొదలైన ఆఫర్‌ 14 దాకా మూడు రోజులపాటు కొనసాగుతుంది. జూలై 1 నుంచి సెప్టెంబర్‌ 30 మధ్య కాలంలో ప్రయాణాలకు ఇది వర్తిస్తుంది. ఈ టికెట్లు నాన్‌రిఫండబుల్‌గా ఉంటాయి. వేసవి ఆఫర్లకు మంచి స్పందన లభించిన నేపథ్యంలో వర్షాకాల ఆఫర్‌ ప్రకటించినట్లు ఇండిగో చీఫ్‌ కమర్షియల్‌ ఆఫీసర్‌ సంజయ్‌ కుమార్‌ తెలిపారు.
