ఫ్లిప్‌కార్ట్‌ బిగ్‌ బిలియన్‌ డేస్‌: భారీ డిస్కౌంట్లు

 

80 ప్లస్‌ కేటగిరీల్లో ఎక్స్‌క్లూజివ్‌ సెలక్షన్‌​, దిగ్గజ బ్రాండులతో ఎక్స్‌క్లూజివ్‌ భాగస్వామ్యాన్ని ఏర్పాటుచేసుకోనున్నట్టు ఫ్లిప్‌కార్ట్‌ ఓ ప్రకటనలో తెలిపింది. మారథాన్‌ డీల్స్‌తో పాటు భారతీయ అవసరాలకు అనుగుణంగా ఆఫర్లను స్పెషల్‌గా రూపొందించామని వివరించింది. టీవీ, ప్రింట్‌, రేడియో, సోషల్‌ మీడియా, అవుట్‌డోర్స్‌, డిజిటల్‌ మీడియా వంటి వాటిల్లో ఈ బిగ్‌ బిలియన్‌ డేస్‌ సేల్‌ గురించి మార్కెటింగ్‌ క్యాంపెయిన్‌ను కూడా కంపెనీ నిర్వహించనుంది. పండుగ షాపింగ్‌ కోసం సెప్టెంబర్‌ 20 నుంచి సెప్టెంబర్‌ 24 వరకు తేదీల్లో బిగ్‌ బిలియన్‌ డేస్‌ సేల్‌ను నిర్వహించబోతున్నామని ఫ్లిప్‌కార్ట్‌ సీఈవో కల్యాణ్‌ కృష్ణమూర్తి చెప్పారు. ఇటీవలే ఫ్లిప్‌కార్ట్‌లోకి జపాన్‌ సాఫ్ట్‌బ్యాంకు గ్రూప్‌ కార్పొరేషన్‌ నుంచి 2.4 బిలియన్‌ డాలర్ల పెట్టుబడులు వచ్చిన సంగతి తెలిసిందే.