వారం రోజుల్లో పెళ్లి పెట్టుకొని..

 

వివరాలు..  గ్రామానికి చెందిన రవి(21) ఆటో డ్రైవర్‌గా జీవనం సాగిస్తున్నాడు. ఈ క్రమంలో ఇంటి పక్కనే ఉండే నందినితో పరిచయం ఏర్పడింది. పరిచయం కాస్త ప్రేమకు దారితీసింది. విషయం తెలుసుకున్న ఆమె తల్లిదండ్రులు యువతికి వేరే వ్యక్తితో పెళ్లి నిశ్ఛయించారు. మరో వారం రోజుల్లో పెళ్లి జరగనుండటంతో.. భయాందోళనలకు గురైన యువతి తాను ప్రేమించిన రవితో కలిసి ఇంట్లో నుంచి పారిపోయింది.

దీంతో కోపోద్రిక్తులైన యువతి కుటుంబ సభ్యులు ఆదివారం రాత్రి రవి ఇంటి పై దాడి చేసి అతని ద్విచక్రవాహనం పై కిరోసిన్‌ పోసి నిప్పంటించడంతో పాటు ఇంటి పై కప్పు ధ్వంసం చేశారు. అడ్డొచ్చిన రవి తల్లిపై దాడి చేశారు. సోమవారం విషయం తెలుసుకున్న పోలీసులు సంఘటనా స్థలానికి చేరుకొని వివరాలు సేకరిస్తున్నారు. కాగా.. యువతి మైనర్‌ అని ఆమెను భయపెట్టి కిడ్నాప్‌ చేశాడని ఆమె తల్లిదండ్రులు పోలీసులకు ఫిర్యాదు చేశారు.