TV
దినేష్‌రెడ్డి వినతిపై నిర్ణయం తీసుకోండి
సుప్రీంకోర్టు తీర్పుల ప్రకారం తన పదవీకాలాన్ని మరో ఏడాది పొడిగించాలని కోరుతూ డీజీపీ దినేష్‌రెడ్డి చేసుకున్న విజ్ఞప్తిపై రెండు వారాల్లో నిర్ణయం తీసుకోవాలని కేంద్ర పరిపాలనా ట్రిబ్యునల్(క్యాట్) రాష్ట్ర ప్రభుత్వాన్ని బుధవారం ఆదేశించింది.
రాష్ట్రప్రభుత్వానికి క్యాట్ ఆదేశం..
సాక్షి, హైదరాబాద్: సుప్రీంకోర్టు తీర్పుల ప్రకారం తన పదవీకాలాన్ని మరో ఏడాది పొడిగించాలని కోరుతూ డీజీపీ దినేష్‌రెడ్డి చేసుకున్న విజ్ఞప్తిపై రెండు వారాల్లో నిర్ణయం తీసుకోవాలని కేంద్ర పరిపాలనా ట్రిబ్యునల్(క్యాట్) రాష్ట్ర ప్రభుత్వాన్ని బుధవారం ఆదేశించింది. ఈ మేరకు క్యాట్ హైదరాబాద్ బెంచ్ సభ్యులు జస్టిస్ పి.స్వరూప్‌రెడ్డి, పి.కె.బసులతో కూడిన ధర్మాసనం ఉత్తర్వులిస్తూ ఈ పిటిషన్‌పై విచారణను ముగించింది.
