బెజవాడలో లగడపాటిపై దాడికి యత్నం

బెజవాడలో లగడపాటిపై దాడికి యత్నం


విజయవాడ : విజయవాడ కాంగ్రెస్ ఎంపీ లగడపాటి రాజగోపాల్కు మరోసారి సమైక్య సెగ తగిలింది.  రాష్ట్రాన్ని సమైక్యంగా ఉంచాలంటూ గత 33 రోజులుగా బెజవాడ ఆటోనగర్లో ఆటోమొబైల్ టెక్నికల్ సిబ్బంది చేస్తున్న సమైక్య దీక్ష శిబిరాన్ని సందర్శించిన సమయంలో ఉద్యమకారులు ఎంపీని నిలదీశారు. ఎంపీ పదవికి రాజీనామా చేసి ఉద్యమంలోకి రావాలని డిమాండ్ చేశారు.  పోలీసులు ఈ సందర్భంగా కార్మికులను అడ్డుకోవటంతో తోపులాట జరిగింది. దాంతో ఆగ్రహించిన కార్మికులు  లగడపాటిపైకి దూసుకు పోయేందుకు యత్నించారు.



 పరిస్థితి ఉద్రిక్తంగా మారటంతో పోలీసులు జోక్యం చేసుకున్నారు. దాంతో లగడపాటిని అక్కడ నుంచి వెళ్లిపోవల్సిందిగా పోలీసులు విజ్ఞప్తి చేశారు. అయినా లగడపాటి అక్కడ నుంచి కదలలేదు. అయినా ఆయన మాట్లాడేందుకు అవకాశం రాకపోవటంతో గంటపాటు కూర్చుని పోలీసుల సాయంతో అక్కడ నుంచి వెళ్లిపోయారు. ఈ సందర్భంగా జరిగిన తోపులాటలో పలువురు కార్మికులు గాయపడ్డారు.

Read latest Andhra Pradesh News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top