దుర్వాసన భరించలేకున్నాం

కొంత మంది రాత్రి సమయాల్లో రోడ్ల పక్కన చెత్త పారబోస్తున్నారు. దుర్వాసన భరించలేకపోతున్నాం. ఈగలు, దోమలు చేరి రోగాలు వ్యాపిస్తున్నాయి. మున్సిపల్‌ అధికారులు, సిబ్బంది రోడ్ల పక్కన చెత్తవేసే వారిని గుర్తించి చర్యలు తీసుకోవాలి. చెత్త సేకరణ సమర్థవంతంగా చేపట్టాలి.

– శ్రీనివాస్‌చారి, సురంగల్‌, మొయినాబాద్‌

రోడ్ల పక్కన వేసిన చెత్తను ఉదయాన్నే సిబ్బందితో తొలగించి శుభ్రం చేయిస్తున్నాం. చెత్త వేసేవారిని గుర్తించి చర్యలు తీసుకుంటాం. డంపింగ్‌ యార్డుకోసం చిలుకూరు రెవెన్యూలో స్థలాన్ని పరిశీలించాం. హిమాయత్‌నగర్‌ రెవెన్యూలో డంపింగ్‌ను త్వరలో అక్కడి నుంచి తరలిస్తాం.

– టి.కుమార్‌, శానిటరీ ఇన్‌స్పెక్టర్‌