సాక్షి, ఖమ్మం: తెలంగాణలో లోక్‌సభ ఎన్నికల వేళ భారీ మొత్తంలో డబ్బును స్వాధీనం చేసుకున్నారు పోలీసులు. సినిమా ఫక్కీలో ఓ ఇన్నోవా కారును ఛేజ్‌ చేసి డబ్బు తరలిస్తున్న వారిని పోలీసులు పట్టుకున్నారు. ఈ ఘటన ఖమ్మం జిల్లాలో చోటుచేసుకుంది. ఈ ఘటనపై ఖమ్మం పోలీసులు తెలిపిన వివరాల ప్రకారం.. ఖమ్మం పోలీసుల వివరాల ప్రకారం.. హైదరాబాద్‌ నుంచి ఖమ్మం వైపునకు ఓ ఇన్నోవా వెళ్తోంది. నాయకనగూడెం వద్ద పోలీసులు తనిఖీలు చేస్తుండగా ఇన్నోవా కారు ఆపితే ఆగకుండా వెళ్లింది. సిబ్బందికి అనుమానం వచ్చి ఆ కారును చేజ్ చేశారు. పది కిలోమీటర్ల మేర పోలీసులు వెంబడించారు. ఈ క్రమంలో దేవుడి తండా వద్ద ఇన్నోవా వాహనం అదుపుతప్పి బోల్తా కొట్టింది. ఈ ఘటనలో కారులో ప్రయాణం చేసిన ఒకరికి గాయాలు కాగా ఆ వాహనంలో కోటిన్నర రూపాయలు పైగా నగదు బయట పడింది. పోలీసులు నగదును స్వాధీనం చేసుకున్నారు. ఈ ఘటనపై కేసు నమోదు చేసినట్టు తెలిపారు. మరోవైపు.. మరికొన్ని గంటల్లోనే పోలింగ్‌ జరుగనున్న నేపథ్యంలో ఇలాంటి ఘటనలో జరిగే అవకాశం ఉంది. డబ్బు తరలించే అవకాశం ఉండటంతో పోలీసులు నిఘా పెంచారు.

సాక్షి, హైదారాబాద్‌: తెలంగాణ లోక్‌సభ ఎన్నికల ప్రచారం నిన్నటి(శనివారం)తో ముగిసింది. లోక్‌సభ ఎ‍న్నికల ప్రచారంలో బిజీబీజీగా గడిపిన నేతలు రిలాక్స్‌ అవుతున్నారు. రేపు పోలింగ్‌ జరనుండటంతో ప్రచారం మూడ్‌ నుంచి నేతలు నెమ్మదిగా బయటకు వచ్చి సేదతీరుతున్నారు. ఈ క్రమంలో సీఎం రేవంత్‌రెడ్డి ఆదివారం ఉదయం సెంట్రల్‌ యూనివర్సిటీకి వెళ్లి రిలాక్స్‌ అయ్యారు. అక్కడి విద్యార్థులుతో కాసేపు.. ఫుట్‌బాల్‌ ఆడుతూ సరదగా సేదతీరారు. ఇక రేపు (సోమవారం) లోక్‌సభ ఎన్నికల పోలింగ్‌ సందర్భంగా సీఎం రేవంత్‌ రెడ్డి కొడంగల్‌లో తన కుటుంబసభ్యులతో కలిసి ఓటు హక్కు వినియోగించుకోను​న్నారు. ఇక.. ఇటీవల రోహిత్‌ వేముల కేసును రీఓపెన్‌ చేయాలని అతని తల్లి సీఎం రేవంత్‌ను కలిసి విజ్ఞప్తి చేసిన విషయం తెలిసిందే. ఈ విషయంలో ఆమెకు సీఎం రేవంత్‌ హామీ ఇచ్చారు. మరోవైపు.. ఈ రోహిత్‌ వేముల కేసును మళ్లీ ఓపెన్‌ చేస్తామని హైదరాబాద్‌ సీసీ కొత్త శ్రీనివాస్‌ రెడ్డి పేర్కొన్నారు.#Telangana Chief Minister @revanth_anumula visits @HydUniv on Sunday morning engaging in a game of football with the students.This comes after his government followed recent developments in the 2016 Dalit scholar #RohithVemula's suicide case. The police had filed a Closure… pic.twitter.com/Q48PfDbXE6— South First (@TheSouthfirst) May 12, 2024వీడియో క్రెడిట్స్‌: South First@TheSouthfirst

హైదరాబాద్‌, సాక్షి: తెలంగాణలో లోక్‌సభ ఎన్నికలకు సర్వం సిద్ధం అయ్యింది. సార్వత్రిక ఎన్నికలు 4వ ఫేజ్‌లో భాగంగా.. రాష్ట్రంలోని మొత్తం 17 లోక్‌సభ నియోజకవర్గాల్లో రేపే(మే 13 సోమవారం) పోలింగ్‌ జరగనుంది.తెలంగాణలో మొత్తం 3.32 కోట్ల మంది ఓటర్లు ఉన్నారు. ఆ ఓటర్లలో సగానికి పైగా మహిళలే ఉన్నారు. ఇక ఎన్నికల బరిలో 525 మంది అభ్యర్థులు నిల్చున్నారు. వీళ్లలో 50 మంది మహిళా అభ్యర్థులు అదృష్టం పరీక్షించుకోబోతున్నారు.ఉదయం ఏడు గంటల నుంచి సాయంత్రం 6గం. వరకు పోలింగ్‌ జరగనుంది. సమస్యాత్మక ప్రాంతాల్లో ముందుగానే పోలింగ్‌ పూర్తి కానుంది. అయితే సమయం ముగిసినా.. క్యూలో నిల్చున్న వాళ్లకు ఓటేసేందుకు అనుమతి ఇస్తారు.ఎన్నికల కోసం రాష్ట్రవ్యాప్తంగా 35,809 పోలింగ్‌ కేంద్రాలు ఏర్పాటు చేశారు.  సమస్యాత్మక ప్రాంతాల్లో 9,900 పోలింగ్‌ కేంద్రాలను ఏర్పాటు చేసినట్లు ఎన్నికల సంఘం తెలిపింది. 175 కంపెనీల కేంద్ర బలగాలు, తెలంగాణ పోలీసులతో భద్రత ఏర్పాటు చేశారు.మరోవైపు.. సికింద్రాబాద్‌ కంటోన్మెంట్‌ అసెంబ్లీ సెగ్మెంట్‌లోనూ ఉప ఎన్నిక రేపే జరగనుంది. ఇక్కడి నుంచి బీఆర్‌ఎస్‌ తరపున ఎమ్మెల్యేగా గెలిచిన లాస్య నందిత రోడ్డు ప్రమాణంలో మరణించడంతో ఉప ఎన్నిక అనివార్యమైంది. బీఆర్‌ఎస్‌ తరఫున నందిత సోదరి నివేదిత, బీజేపీ నుంచి వంశీ తిలక్‌, కాంగ్రెస్‌ తరఫున శ్రీ గణేష్‌ నారాయణన్‌లు ప్రధాన పార్టీల తరఫు నుంచి బరిలో నిలిచారు. 

భూపాలపల్లి అర్బన్‌: జిల్లాలో పార్లమెంట్‌ ఎన్నికల విధులను పోలీసులు సమర్థవంతంగా నిర్వర్తించాలని ఎస్పీ కిరణ్‌ఖరే తెలిపారు. భూపాలపల్లి నియోజకవర్గంలో ఎన్నికల విధులు నిర్వర్తించనున్న జిల్లా పోలీసులు, సీఆర్‌పీఎఫ్‌, బీఎస్‌ఎఫ్‌ కేంద్ర బలగాలు, ఫారెస్ట్‌, టీఎస్‌ఎస్‌పీ, శిక్షణ కానిస్టేబుళ్లకు శనివారం జిల్లాకేంద్రంలోని ఓ ఫంక్షన్‌హాల్‌లో ఎస్పీ అవగాహన కల్పించారు. పోలింగ్‌ స్టేషన్ల వద్ద నిర్వర్తించాల్సిన విధులు, పోలింగ్‌ ముందు, పోలింగ్‌ రోజు, పోలింగ్‌ అనంతరం తీసుకోవాల్సిన చర్యలపై వివరించారు. ఈ సందర్భంగా ఎస్పీ మాట్లాడుతూ.. పోలింగ్‌ కేంద్రాల వద్ద ప్రజలను 100 మీటర్ల పరిధిలో గుమిగూడకుండా చూడాలన్నారు. ఓటర్లు ప్రశాంత వాతావరణంలో తమ ఓటు హక్కు వినియోగించుకునేలా చర్యలు చేపట్టాలని అన్నారు. పోలింగ్‌ కేంద్రంలోకి ఓటరు స్లిప్పులు, జిల్లా ఎన్నికల అధికారి అనుమతి పొందిన ఐడీ కార్డులు ఉన్న వారిని మాత్రమే అనుమతించాలన్నారు. సమస్యాత్మక కేంద్రాలు, మావోయిస్టు ప్రభావిత పోలింగ్‌ కేంద్రాల వద్ద అప్రమత్తతతో విధులు నిర్వర్తించాలన్నారు. సమావేశంలో భూపాలపల్లి డీఎస్పీ సంపత్‌రావు, సైబర్‌ క్రైం డీఎస్పీ సుభాష్‌బాబు, బీఎస్‌ఎఫ్‌ అసిస్టెంట్‌ కమాండెంట్‌ అజయ్‌, భూపాలపల్లి, చిట్యాల సీఐలు నరేష్‌కుమార్‌, మల్లేష్‌, పోలీసులు పాల్గొన్నారు. ఎస్పీ కిరణ్‌ఖరే

జనగామ రూరల్‌: జనగామ కోర్టు న్యాయవాద గుమాస్తాల సంఘం నూతన కమిటీని శనివారం ఏకగ్రీవంగా ఎన్నుకున్నారు. అధ్యక్షుడిగా ఎండీ ఖాజాపాషా, ఉపాధ్యక్షుడిగా మల్ల మధు, ప్రధాన కార్యదర్శిగా బైరి శ్రీను, కోశాధికారిగా యాట అశోక్‌, సహాయ కార్యదర్శిగా వేముల మల్లేష్‌, ఆర్గనైజింగ్‌ సెక్రటరీగా వల్లూరి నరేష్‌, గౌరవ అధ్యక్షుడిగా బీచరాజు హరికృష్ణారావు, ఎదునూరి పోచయ్య, పుస్కూరి రఘును ఎన్నుకున్నారు. ఈసందర్భంగా నూతన అధ్యక్షుడు మాట్లాడుతూ.. గుమాస్తాల సమస్యల పరిష్కారం, వారి హక్కుల కోసం పోరాడుతామన్నారు.