తెలంగాణ స్పోర్ట్స్‌ అథారిటీ చైర్మన్‌గా ఆంజనేయగౌడ్‌

సాక్షి, హైదరాబాద్‌: తెలంగాణ రాష్ట్ర స్పోర్ట్స్‌ అథారిటీ చైర్మన్‌గా ఈడిగ ఆంజనేయగౌడ్‌ను రాష్ట్ర ప్రభుత్వం నియమించింది. సీఎం కేసీఆర్‌ ఆదేశాల మేరకు సోమవారం ఉత్తర్వులు జారీ అయ్యాయి. అందుకు సంబంధించిన నియామకపత్రాన్ని సోమవారం ప్రగతి భవన్‌లో సీఎం చేతుల మీదుగా ఆంజనేయ గౌడ్‌ అందుకున్నారు. ఈ సందర్భంగా ఆయన సీఎంకు కృతజ్ఞతలు తెలిపారు.