టీచర్లు హింసిస్తున్నారంటూ విద్యార్థిని ఆత్మహత్య

టీచర్లు హింసిస్తున్నారంటూ విద్యార్థిని ఆత్మహత్య

కలకలం రేపుతున్న బాలిక వీడియో

అన్నానగర్‌: కోయంబత్తూరు జిల్లా వాల్‌ పారై సమీపం రొట్టిక్కడై ప్రాంతానికి చెందిన శక్తివేల్‌ కుమరన్‌ (39) వల్సలకుమారి దంపతులకు ముత్తు సంజన, ముత్తు సైనా అనే ఇద్దరు కుమార్తెలు ఉన్నారు. వీరు ఉన్నత పాఠశాలలో 9వ తరగతి చదువుతున్నారు. ఈనెల 10న శక్తివేల్‌, వల్సలకుమారి పనికి వెళ్లారు. ఇంట్లో ఒంటరిగా ఉన్న ముత్తు సంజన కిరోసిన్‌ పోసుకుని మంటలు అంటించుకుంది. ఆమె అరుపులు విన్న పొరుగువారు రక్షించి, వాల్పరై ప్రభుత్వ ఆసుపత్రిలో చేర్చారు. ముత్తు సంజన బుధవారం రాత్రి చికిత్స పొందుతూ మరణించింది. కాగా తమ కుమార్తె ముత్తు సంజన ఉపాధ్యాయుల క్రూరత్వాన్ని భరించలేక తన శరీరంపై కిరోసిన్‌ పోసుకుని నిప్పంటించుకుందాని ఆమె తల్లిదండ్రులు ఆరోపించారు. పాఠశాలలోని సైన్స్‌ టీచర్‌, తమిళ టీచర్‌ తీవ్రంగా అవమానించడంతో తన కుమార్తె ఈ అఘాయిత్యానికి పాల్పడిందని వాపోయారు. ఆ టీచర్లపై చర్యలు తీసుకోవాలని కోరారు. కాగా మరణించే ముందు విద్యార్థిని ముత్తు సంజన కూడా ఇదే ఆరోపణ చేసింది. ఆసుపత్రిలో చికిత్స పొందుతున్నప్పుడు ఆమె మాట్లాడిన వీడియోలో ఆమె ఈ ప్రకటన చేసింది. ఇప్పుడు ఆ వీడియో విడుదలై కలకలం రేపుతోంది. మరణించిన ముత్తు సంజన మృతదేహాన్ని శవపరీక్ష కోసం కోయంబత్తూరు ప్రభుత్వ ఆసుపత్రిలో ఉంచారు.

మహాబలిపురంలో

వారసత్వ వారోత్సవ ర్యాలీ

సాక్షి, చైన్నె: పురావస్తు శాఖ ఆధ్వర్యంలో ఏవీఐటీ నేతృత్వంలో స్పూర్తి దాయక ప్రపంచ వారసత్వ వారోత్సవ ర్యాలీ మహాబలిపురంలో జరిగింది. ఏవీఐటీ విద్యార్థులు, ఎన్‌ఎస్‌ఎస్‌ యూనిట్‌, ఎన్‌సీసీ యూనిట్లకు చెందిన వారు సంయుక్తంగా మహాబలిపురం విశిష్టతను చాటే విధంగా వారసత్వ సంరక్షణపై అవగాహన కల్పించే రీతిలో ర్యాలీలలో ప్లకార్డులను చేత బట్టిముందుకు సాగారు. ఈ ర్యాలీని ఐఎస్‌ఆర్‌ సెల్‌ ప్రోగ్రామ్‌ డైరెక్టర్‌ డాక్టర్‌ ఎస్‌పి సంగీత, పురవస్తు శాఖ అధికారి శ్రీధరన్‌లు మహాబలిపురంలో ప్రసిద్ధి చెందిన ఐకానిక్‌ పంచరథాల వద్ద ప్రారంభించారు.షీ షోర్‌ టెంపుల్‌ వైపుగా ఈ ర్యాలీ నిర్వహించారు. దేశ ప్రపంచ వారసత్వ ప్రదేశాలను పరిరక్షించే విధంగా అవగాహన కల్పించారు. ఈ ర్యాలీలలో డాక్టర్‌ కె సురేందర్‌, ఎ ఇంతియాజ్‌, డాక్టర్‌ ఆంటోనీ , వి పద్మనాభన్‌తో పాటుగా వినాయక మిషన్స్‌ రీసెర్చ్‌ ఫౌండేషన్‌ వర్గాలు పాల్గొన్నాయి.

శబరిమలకు 30 ప్రత్యేక రైళ్లు

కొరుక్కుపేట: శబరిమలకు అయ్యప్ప భక్తుల ప్రయాణాన్ని సులభతరం చేయడానికి 2026 జనవరి నాటికి 30 ప్రత్యేక రైళ్లను నడపనున్నట్లు రైల్వే యంత్రాంగం ప్రకటించింది. ఈ రైళ్లలో టికెట్లను సక్రమంగా బుక్‌ చేసుకోవాలని అధికారులు ప్రయాణికులను అభ్యర్థించారు. వివరాలు.. కేరళలోని శబరిమల అయ్యప్ప ఆలయంలో మండల పూజ ప్రారంభమైంది. జనవరి 14న మకర జ్యోతి ఉత్సవం జరుగుతుంది. ప్రతి సంవత్సరం అయ్యప్ప స్వామికి భక్తులు పూలమాలలు ధరిస్తారు. ఈ సంవత్సరం కూడా, ఉపవాసం ఉన్నప్పటికీ కార్తీక మాసంలో వారు మాలలు ధరించి శబరిమల తీర్థయాత్ర చేస్తున్నారు. ఈ భక్తుల ప్రయాణం కోసం దేశంలోని ప్రధాన నగరాల నుండి కేరళలోని కొల్లం, కొట్టాయం, ఎర్నాకులంకు శబరిమల ప్రత్యేక రైళ్లను నడుపుతున్నారు. ముఖ్యంగా ఆంధ్రప్రదేశ్‌, తెలంగాణ, కర్ణాటక , తమిళనాడు అనే నాలుగు ప్రధాన రాష్ట్రాల నుంచి పెద్ద సంఖ్యలో అయ్యప్ప భక్తులు యాత్ర చేపడుతుండడంతో రైల్వేలు 2019 నుంచి పెద్ద సంఖ్యలో ప్రత్యేక రైళ్లను నడుపుతున్నాయి. ప్రస్తుతం, ఈ 4 రాష్ట్రాల నుంచి 30 ప్రత్యేక రైళ్లను నడుపుతున్నట్లు వారు ప్రకటించారు. ఈ ప్రత్యేక రైళ్లు జనవరి వరకు నడుస్తూనే ఉంటాయి. ఈ 30 ప్రత్యేక రైళ్లనూ అయ్యప్ప భక్తులు , ఇతర ప్రజలు ఉపయోగించుకోవాలి. చాలా ప్రత్యేక రైళ్లు సేలం, ఈరోడ్‌, తిరుప్పూర్‌, కోయంబత్తూర్‌ , పాలక్కాడ్‌ మీదుగా నడుస్తాయి. తెల్లవారుజాము నుంచి రాత్రి వరకు నిరంతరం నడిచే ఈ ప్రత్యేక రైళ్లలో భక్తులు టిక్కెట్లు సరిగ్గా బుక్‌ చేసుకుని ప్రయాణించాలని రైల్వే అధికారులు అభ్యర్థించారు.

ట్రాఫిక్‌ వార్డెన్ల నియామకం

అన్నానగర్‌: ఆవడిలో ట్రాఫిక్‌ వార్డెన్లుగా ఎనిమిది మందిని నియమించారు. ఆవడి పోలీస్‌ కమిషనర్‌ కె.శంకర్‌ ఆదేశాల మేరకు, ట్రాఫిక్‌ జామ్‌లు ఎక్కువగా ప్రభావితమయ్యే ప్రాంతాల్లో ట్రాఫిక్‌ పోలీసులతో కలిసి పనిచేయడానికి కొత్త ట్రాఫిక్‌ వార్డెన్‌న్లను నియమించాలని ఆవడి పోలీస్‌ కమాండ్‌ ఆదేశించింది. ఆమేరకు ఐదుగురు మహిళలు, ముగ్గురు పురుషులను ట్రాఫిక్‌ వార్డెన్‌న్లుగా నియమించారు. దీనికి సంబంధించిన ఉత్తర్వులను పోలీస్‌ కమిషనర్‌ కె.శంకర్‌ జారీ చేశారు. అదనపు కమిషనర్‌ కె.భవానీశ్వరి, అదనపు డిప్యూటీ కమిషనర్‌ ఆఫ్‌ పోలీస్‌ (ట్రాఫిక్‌) సత్యమూర్తి, సీఐ రాజేష్‌, హెచ్‌సీ యోగేష్‌బాబు ఉన్నారు.