ముంపు బాధితులను ఆదుకోవాలి

నరసన్నపేట: జిల్లా వ్యాప్తంగా ముంపు బాధితులను ప్రభుత్వం వెంటనే ఆదుకోవాలని వైఎస్సార్‌ సీపీ జిల్లా అధ్యక్షుడు ధర్మాన కృష్ణదాస్‌ ప్రభుత్వానికి విజ్ఞప్తి చేశారు. నరసన్నపేట మండలం బడ్డవానిపేట, మామిడివలస, చిక్కాలవలస, సుందరాపురం గ్రామాల్లో శనివారం పర్యటించి ముంపు పొలాలను పరిశీలించి రైతులను పరామర్శించారు. ఈ సందర్భంగా ఆయన మాట్లాడుతూ వర్షంతో పాటు ఈదురు గాలులకు వాణిజ్య పంటలు దెబ్బతిన్నాయని ప్రధానంగా అరటి పంటకు నష్టం వాటిల్లిందన్నారు. ఇప్పటికై నా ప్రభుత్వం మేల్కొని ఉచిత పంటల బీమాను అమలు చేయాలన్నారు. 72 గంటలు వరి మొక్కలు నీట మునిగి ఉంటే కుళ్లిపోయే ప్రమాదం ఉందని, ఇటువంటి వాటికి ఎన్యూమరేషన్‌ చేసి రైతులను ఆదుకోవాలని కోరా రు. ఆయన వెంట పార్టీ నాయకులు ఆరంగి ముర ళి, రాజాపు అప్పన్న, పోలాకి నర్శింహమూర్తి, బగ్గు రమణయ్య, బొబ్బాది ఈశ్వరరావు, మొయ్యి లక్ష్మునాయుడు, కింతలి చలపతిరావు పాల్గొన్నారు.