నేలమట్టమైన ఇళ్లు

ఇచ్ఛాపురం: ఎడతెరిపి లేకుండా కురిసిన వర్షాలకు ఇచ్ఛాపురం పురపాలక సంఘం పరిధిలోని పురుషోత్తపురంలో దూపాన లక్ష్మి, రత్నాల లక్ష్మిలకు చెందిన రెండు రేకిళ్లు కూలిపోయాయి. ఆ సమయంలో ఇంటి యజమానులు వేరొక గదిలో ఉండటంతో పెను ప్రమాదం తప్పింది.

సరుబుజ్జిలి: బురిడివలస ఎస్సీకాలనీలో బుధవారం చింతాడ శ్రీనివాసరావుకు చెందిన పురిల్లు ఒక్కసారిగా కూలిపోయింది. ఆ ఇంట్లో నలుగురు కుటుంబ సభ్యులు నివాసం ఉంటున్నారు. వర్షాల ధాటికి కూలిన సమయంలో శ్రీనివాసరావు తన బంధువుల ఇంటివద్ద కూర్చొని మాట్లాడుతున్నారు. భార్య లక్ష్మి కిరాణా దుకాణానికి వెళ్లింది. కూలిన సమయంలో ఎవరూ లేకపోవడంతో అంతా ఊపిరిపీల్చుకున్నారు.